భారత్‌కు చెందిన సుమారు 219 మంది జాలర్లను పాకిస్థాన్ గురువారం విడుదల చేసింది. ఇరు దేశాల మధ్య మంచి సంబంధాలు పెంపొందించుకునే దిశగా వీరిని రిలీజ్ చేసినట్లు వెల్లడించింది. వాఘా సరిహద్దు వద్ద భారత అధికారులకు ఈ మత్స్యకారులను అప్పగించనుంది. వీరిలో చాలా మంది ఏడాదిపైగా పాకిస్థాన్ జైల్లో గడిపారు.

పాకిస్థాన్ ఇటీవల కొందరు జాలర్లను విడుదల చేసింది. అయితే మరో వంద మంది వరకు అక్కడి జైల్లో మగ్గుతున్నారు. భారత హై కమిషన్ వీరి జాతీయతను గుర్తించాల్సి ఉంది. అంతర్జాతీయ జలాల్లోకి పొరపాటున చొరబడే మత్స్యకారులను భారత్, పాక్ అరెస్ట్ చేస్తుంటాయి. అనంతరం గుడ్‌విల్ గెస్ట్చర్ కింద విడుదల చేస్తుంటాయి.