తల అజిత్ తాజా చిత్రం 'ఏకే 57' విడుదలలో జాప్యం జరిగే అవకాశాలు కనిపిస్తున్నాయి. ఒకవైపు ఈ సినిమా ఎప్పుడెప్పుడు వస్తుందా అని అజిత్ అభిమానులు ఎంతో ఆశగా ఎదురు చూస్తున్నారు. ఏప్రిల్‌లో విడుదల చేసేందుకు ప్లాన చేస్తున్నట్టు నిర్మాణ సంస్థ ఇంతకుముందు ప్రకటించింది. అయితే షూటింగ్‌లో జాప్యం కారణంగా విడుదల జూన్‌కు వాయిదా పడే అవకాశం ఉందని సమాచారం. 'సిరుతై' శివ దర్శకత్వం వహిస్తున్న ఈ చిత్రంలో కాజల్‌ అగర్వాల్‌ హీరోయిన్ గా నటిస్తుండగా, బాలీవుడ్‌ హీరో వివేక్‌ ఒబెరాయ్‌ విలన్ గా నటిస్తున్నాడు. అజిత్ కెరీర్‌ లోనే అత్యంత భారీ బడ్జెట్‌తో రూపొందుతున్న ఈ చిత్రాన్ని రంజాన్ సమయంలో విడుదల చేసే అవకాశం ఉంది.