నేషనల్‌ బ్యాంక్‌ ఆఫ్‌ కువైట్‌ (ఎన్‌బికె), తమ వినియోగదారులకు మరింత మెరుగైన అప్‌ టు డేట్‌ బ్యాంకింగ్‌ ఇ-సర్వీస్‌ని అందుబాటులోకి తెచ్చింది. స్మార్ట్‌ ఫోన్స్‌ ద్వారా ప్రపంచంలో ఏ మూల నుంచైనా అక్కౌంట్‌ని తమకు కావాల్సిన విధంగా వాడుకునేందుకు వీలుగా ఈ ఫీచర్‌ని ప్రవేశపెట్టినట్లు బ్యాంకు వర్గాలు వెల్లడించాయి. టచ్‌ ఐడి లాగిన్‌ ఫీచర్‌ని యాండ్రాయిడ్‌ అలాగే ఐఓఎస్‌ ఆపరేటింగ్‌ సిస్టమ్స్‌ ద్వారా వినియోగించుకోవచ్చు. యూజర్‌ నేమ్‌, పాస్‌వర్డ్‌ల స్థానంలో ఈ ఫింగర్‌ ప్రింట్‌ ఆప్షన్‌ని ప్రవేశపెట్టడం జరిగింది. ఎప్పటికప్పుడు అందుబాటులో ఉన్న సాంకేతిక పరిజ్ఞానాన్ని వినియోగించుకుంటూ, వినియోగదారులకు అద్భుతమైన సేవల్ని అందించడంలో తాము ముందున్నామని ఎన్‌బికె వర్గాలు వెల్లడించాయి. ఫింగర్‌ ప్రింట్‌ ఫీచర్‌పై మరిన్ని వివరాలకు బ్యాంక్‌ కస్టమర్‌ కేర్‌ని సంప్రదించి తెలుసుకోవచ్చు.