దక్షిణ కొరియా ఎలక్ట్రానిక్స్‌ దిగ్గజం శామ్‌సంగ్‌ వైస్‌ ఛైర్మన్‌(వీసీ) జె యంగ్‌ లీని గడ్డుకాలం ఎదుర్కొంటున్నారు. దేశాధ్యక్షురాలి అవినీతి కుంభకోణంలో ఆయన పేరు ప్రముఖంగా వినిపిస్తోంది. దీంతో ఆయనను అరెస్టు చేసేందుకు రంగం సిద్ధమవుతోంది. దీనిలో భాగంగా లీని అరెస్టు చేస్తే ఆర్థిక వ్యవస్థపై పడే ప్రభావాన్ని దృష్టిలో పెట్టుకున్నట్లు కొరియా స్పెషల్‌ ప్రాసిక్యూటర్‌ తెలిపారు. దీనిపై ఆదివారం తర్వాత నిర్ణయం తీసుకుంటామని తెలిపారు. ఈ లోపు దర్యాప్తు అధికారులు ఆయన అరెస్టు ప్రభావంపై నివేదిక ఇస్తారు. ఆర్థిక వ్యవస్థపై పడే ప్రభావాన్ని కూడా పరిశీలిస్తారు. జే యంగ్‌ లీ 2015లో దాదాపు రూ.175కోట్లు విలువైన సొమ్మును ప్రస్తుత అధ్యక్షురాలు పార్క్‌ జియోన్‌ హైస్‌కు చెందిన సంస్థకు బదలాయించారు.