న్యూఢిల్లీ, జనవరి 25 (ఆంధ్రజ్యోతి): తమిళనాడు కేడర్‌లో పనిచేస్తున్న తెలుగు ఐఏఎస్‌ అధికారికి ఎన్నికల సంఘం జాతీయ అవార్డు లభించింది. మదురై జిల్లా కలెక్టరుగా పని చేస్తున్న కె.వీరరాఘవరావు ఎన్నికల ప్రక్రియపై ప్రజల్లో అవగాహన కల్పించారు. దీనికి ఎన్నికల సంఘం అవార్డు ప్రకటించింది. జాతీయ ఓటర్ల దినోత్సవం సందర్భంగా బుధవారం ఢిల్లీలో జరిగిన కార్యక్రమంలో రాష్ట్రపతి ప్రణబ్‌ ముఖర్జీ చేతుల మీదుగా ఆయన అవార్డును అందుకున్నారు. ఎన్నికలను వెబ్‌కాస్టింగ్‌ చేయడాన్ని ప్రవేశపెట్టింది ఈయనే. 2007 బ్యాచ్‌కు చెందిన ఈ ఐఏఎస్‌ అధికారి స్వస్థలం గుంటూరు జిల్లా.