బహ్రెయిన్‌లో మూడవ ఎఫ్‌ఎఐ వరల్డ్‌ ఇండోర్‌ స్కైడైవింగ్‌ ఛాంపియన్‌ షిప్‌ పోటీలు జరగనున్నాయి. 2018లో ఈ పోటీలు జరుగుతాయని అధికారికంగా ప్రకటించారు. గ్రావిటీ ఇండోర్‌ స్కైడైవింగ్‌లో ఈ పోటీలు జరగనున్నాయి. ప్రపంచ వ్యాప్తంగా 20 దేశాలకు చెందిన 350 మంది ఈ స్కై డైవింగ్‌ పోటీల్లో పాల్గొననున్నారు. అరబ్‌ దేశాల్లో ఈ పోటీలకు ఆతిథ్యమిస్తున్న తొలి దేశంగా బహ్రెయిన్‌ రికార్డులకెక్కనుంది. వరల్డ్‌ ఫెడరేషన్‌, ఈ పోటీల నిర్వహణలో బహ్రెయిన్‌ ఆసక్తిని గమనించడమే కాకుండా, బహ్రెయిన్‌ సమర్థతపైనా నమ్మకాన్ని ఉంచిందని మినిస్టర్‌ ఆఫ్‌ స్పోర్ట్స్‌ హిస్సామ్‌ బిన్‌ మొహమ్మద్‌ అల్‌ జౌదర్‌ చెప్పారు.