మెగాస్టార్ న‌టించిన ఖైదీ నంబర్‌ 150లో నటించటం  నా అదృష్టంగా భావిస్తున్నాను అంటున్నాడు జబర్దస్త్ ఆటో పంచ్ మాస్టర్ రాంప్రసాద్. చిరంజీవి నటించిన ఖైదీ నంబర్‌ 150వ సినిమామా ఓ మధురానుభూతిని మిగిల్చింద‌ని ఆయ‌న చెప్పాడు. అనంత‌రం నానీ హీరోగా నటించిన నేను లోకల్ సినిమాలోనూ తాను మంచి పాత్ర పోషించాన‌ని, హీరోకి ఫ్రెండ్ గా పూర్తిస్థాయి పాత్రలో నటించానని అన్నాడు. నాగార్జున హీరోగా తెర‌కెక్కిన భ‌క్తిర‌స చిత్రం 'ఓం నమో వేకటేశాయ'లో కూడా తాను క‌న‌ప‌డ‌తాన‌ని, హీరో రామ్‌ శివమ్‌ సినిమాలోనూ తాను నటించానని గుర్తు చేసుకున్నాడు. అంతేగాక త‌న చేతిలో ఇప్పుడు మ‌రికొన్ని సినిమాలు కూడా ఉన్నాయ‌ని తెలిపారు.