ఇప్పటి వరకు విజయవాడలోముందు ఎప్పుడూ లేని విధంగా ఒక గణపతి సేవా సంస్థ 63 అడుగుల భారీ మట్టి వినాయక విగ్రహాన్ని ఏర్పాటు చేసి ఖైరతాబాద్ వినాయకుడుకి షాక్ ఇచ్చారు. ఈ సంవత్సరం ఖైరతాబాద్ వినాయకుడు పొడుగు 59 అడుగులు అయితే విజయవాడ వినాయకుడు 63 అడుగులుగా ఉండటం అందర్నీ ఆశ్చర్య పరుస్తోంది. మరొక కొత్త విషయం ఏమిటంటే ఈ వినాయక విగ్రహ కమిటీలో 63 మంది కార్య నిర్వహణా సభ్యులు ఉంటే 63 కిలోల బరువు గల లడ్డూతో 63 రోజుల వ్యవధిలో ఈ వినాయక విగ్రహాన్ని రూపొందించడం రికార్డు. ఈ విగ్రహాన్ని ప్రతిరోజూ రెండులక్షల మంది దర్శించుకునే ఏర్పాట్లు చేశారు. నిన్న మొదలైన గణపతి నవరాత్రి ఉత్సవాలకు సంబంధించిన ఒక షాకింగ్ న్యూస్ మీడియాలో కనిపిస్తోంది. దేశ వ్యాప్తంగా వినాయకుడి మండపాలకు భక్తులు ఖర్చు పెట్టే ఖర్చు 20 వేల కోట్లు ఉంటుందని అసోసియేటెడ్ ఛాంబర్ ఆఫ్ కామర్స్ నిర్వహించిన ఒక సర్వేలో ఈ న్యూస్ బయటకు వచ్చింది. అంతేకాదు ప్రతి సంవత్సరం ఐదు నుంచి పది శాతం దాకా గణపతి మండపాల సంఖ్య పెరుగుతోంది అంటే దేశంలో వినాయకుడి ఫీవర్ ఏ స్థాయిలో ఉందో అర్ధం అవుతుంది..