తమిళనాట రాజకీయ అనిశ్చితి నెలకొంది.  జయ అక్రమాస్తుల కేసులో ఇరుక్కున్న శశికళకు సుప్రీంతీర్పు ఎలా వుండబోతుందో చూడాలి.  కానీ శశి ఆశలన్నీ సీఎం కుర్చీపైనే.  ఈ కేసు నుంచి నిర్దోషిగా బయటపడి గవర్నర్ ఆహ్వానంతో ప్రభుత్వాన్ని ఏర్పాటు చేస్తానని గంపెడాశతో ఉంది.  కొత్త ప్రభుత్వం ఏర్పాటుపై గవర్నర్ ఎలాంటి నిర్ణయం తీసుకోకపోగా అనిశ్చితి నెలకొంది.  అటు సెల్వం వర్గాలు, ఇటు శశికళ వర్గాలు గవర్నర్ నిర్ణయం కోసం ఆసక్తిగా ఎదురు చూస్తున్నాయి.  గవర్నర్ వైఖరిపై చిన్నమ్మ ఆగ్రహం కూడా వ్యక్తం చేస్తోంది.  ఈ ఆలస్యాన్ని భరించలేక నిరాహార దీక్ష చేయాలని శశికళ భావిస్తున్నట్లుగా రాజకీయ వర్గాల సమాచారం.