ఆగస్టు 2015 చివరికల్లా, ప్రవాసీయులతో కలిపి ఒమాన్ జనాభా 4.22 మిలియన్లను దాటింది; అందులో - 1.31 మిలియన్లకు పైగా ప్రజలతో మస్కట్ గవర్నరేట్ సింహభాగం ఆక్రమించింది. నేషనల్  సెంటర్ ఫర్ స్ట్యాటిస్టిక్స్ అండ్ ఇన్ఫర్మేషన్ (NCSI), వారు విడుదల చేసిన గణాంకాల ప్రకారం జులైతో పోలిస్తే, ఆగస్టు జనాభా 1.3 శాతం పెరిగింది. వీరిలో స్థానికులు 2.35 మిలియన్లు కాగా, ప్రవాసీయుల సంఖ్య 1.86 మిలియన్లు. మస్కట్ లో 8,20,301 మరియు  4,90,525 గా ఉన్న సంఖ్య తో ప్రవాసీయులు స్థానికులను తోసిరాజన్నారు! ఇంకా మొత్తం 11  గవర్నరేట్ లలో,జులై నెలకు 2 శాతం వృద్ధి రేటుతో 13,10,826 ను చేరిన మస్కట్, జనాభాలో అత్యధిక నెలసరి వృద్ధి రేటును నమోదు చేసింది. ఒమాన్ తరువాత,ఉత్తర అల్ బత్త్రినా 6,87,750 తో రెండవ స్థానంలోను, అల్ దాఖిలియా  4,19,444 జనసంఖ్యతో తరువాతి స్థానంలోను ఉన్నాయి. అల్ ఉస్తా మరియు  మూసందం, వరుస జనసంఖ్యలు - 41,261 మరియు  41,265 లతో ఆఖరి స్థానంలో ఉన్నాయి.

--నూనె లెనిన్ కుమార్(ఒమాన్)