ఆస్ట్రేలియాలోని మెల్‌బోర్న్‌ నగరంలో ఓ చార్టర్డ్‌ విమానం కూలిన ఘటనలో ఐదుగురు మృతిచెందారు. మెల్‌బోర్న్‌లోని ఎస్సెన్‌డమ్‌ విమానాశ్రయం నుంచి టేకాఫ్‌ అయిన ఓ చార్టర్డ్‌ విమానం కొద్ది నిమిషాల వ్యవధిలోనే షాపింగ్‌ కాంప్లెక్స్‌పై కుప్పకూలింది. విమానం కూలిన సమయంలో ఆ షాపింగ్‌ కాంప్లెక్స్‌ మూసి ఉండటంతో భారీ నష్టం ముప్పు తప్పిందని విక్టోరియా పోలీసులు తెలిపారు. మూడు దశాబ్దాలుగా ఇలాంటి ప్రమాదం జరగలేదని స్థానికులు చెబుతున్నారు.