అక్కినేని నాగేశ్వరరావు జయంతి సందర్భంగా ఆయన మనవడు అఖిల్‌ నటించిన తొలి చిత్రం 'అఖిల్‌' పాటలు విడుదలయ్యాయి. గచ్చిబౌలిలోని ఇండోర్‌ స్టేడియంలో జరిగిన ఈ కార్యక్రమానికి ముఖ్యఅతిథిగా మహేశ్‌బాబు పాల్గొని ప్రచార చిత్రాన్ని విడుదలచేశారు. ఈ కార్యక్రమానికి నాగార్జున, నాగచైతన్య, సుమంత్‌, సుశాంత్‌, సాయేషాసైగల్‌, నాగసుశీల, అనూప్‌ రూబెన్స్‌, నితిన్‌, వి.వి.వినాయక్‌ తదితరులు హాజరయ్యారు. శ్రేష్ఠ్‌ మూవీస్‌ బ్యానర్‌పై నటుడు నితిన్‌ ఈ చిత్రాన్ని నిర్మిస్తున్నారు. వి.వి.వినాయక్‌ దీనికి దర్శకత్వం వహిస్తుండగా.. అనూప్‌ రూబెన్స్‌, తమన్‌ సంయుక్తంగా సంగీతం అందిస్తున్నారు.