న్యూఢిల్లీ: టీమిండియా జెర్సీ స్పాన్సరర్‌గా కొనసాగేందుకు 'స్టార్‌ ఇండియా' నిరాకరించింది. బీసీసీఐ-స్టార్‌ ఇండియా మధ్య జరిగిన స్పాన్సర్‌షిప్‌ ఒప్పందం మార్చి నెలతో ముగియనుంది. ఈ ఒప్పందాన్ని కొనసాగించేందుకు జరిగే బిడ్డింగ్‌లో తాము పాల్గొనబోమని స్టార్‌ ఇండియా సీఈఓ ఉదయ్‌ శంకర్‌వాస్‌ చెప్పారు. జెర్సీ స్పాన్సరర్‌గా ఎంపికైన సంస్థ పేరును భారత పురుషుల, మహిళల సీనియర్‌ జట్లతోపాటు అండర్‌-19, 'ఏ'జట్ల జెర్సీలపై కూడా ముద్రిస్తారు. 2013 డిసెంబర్‌లో సహారా తప్పుకోవడంతో, అప్పటినుంచి స్టార్‌ ఇండియా బీసీసీఐ ప్రధాన టీమ్‌ స్పాన్సరర్‌గా వ్యవహరిస్తోంది.