అమెరికా అధ్యక్షుడు డోనాల్డ్‌ట్రంప్ పుణ్యమా అని అక్కడ భారతీయల పట్ల రాజుకున్న విద్వేషం, ఇప్పుడు న్యూజిలాండ్‌కు సోకింది. ఆక్లాండ్‌లో రోడ్డు యాక్సిడెంట్ ఘటనలో భారతీయుడిపై స్థానిక వ్యక్తి దాడికి దిగాడు. అంతేకాదు నీ దేశానికి వెళ్లిపో అంటూ బెదిరించడం కలకలం రేగింది. ఈ ఘటనను బాధితుడు నర్విందర్‌సింగ్ ఫేస్‌బుక్‌లో లైవ్‌స్ట్రీం ప్రసారం చేశాడు.
ఈ ఘటన తనను షాక్‌కు గురి చేసిందని సింగ్ వ్యాఖ్యానించాడు. దూషించడమేకాకుండా ఏదైనా ఆయుధంతో దాడికి పాల్పడుతాడేమోనన్న భయం తనను వెంటాడిందని చెప్పుకొచ్చాడు. ఈ ఘటనపై పోలీసులకు ఫిర్యాదు చేశాడు. కొద్దిరోజుల కిందట విక్రంజిత్ సింగ్ అనే భారతీయుడు దాడికి గురైన సంగతి తెలిసిందే.
అప్పట్లో అతడ్ని కూడా నీ దేశం వెళ్లిపో అంటూ ఓ స్థానికుడు ఒకరు బెదిరించాడు. దీనిపైనా కేసు నమోదైంది.