'గుండె జారి గల్లంతయ్యిందే', 'ఒక లైలా కోసం' సినిమాలకు దర్శకత్వం వహించిన కొండా విజయ్ కుమార్ పై అతని అత్త చెప్పుతో దాడిచేసింది. తన కూతురికి మాయమాటలు చెప్పి విజయ్ కుమార్ పెళ్లి చేసుకున్నాడని అత్త ఆరోపించింది. హైదరాబాద్ లోని రాంనగర్ కు చెందిన ప్రసూన అనే యువతిని విజయ్ కుమార్ ఈ నెల 1న శ్రీనగర్ కాలనీలోని ఓ దేవాలయంలో పెళ్లి చేసుకున్నట్టు సమాచారం. దీనిపై ప్రసూన తల్లిదండ్రులు ఎస్ఆర్ నగర్ పోలీస్ స్టేషన్ లో అతనిపై ఫిర్యాదు చేశారు. తన కూతురుకు సినిమాల్లో అవకాశం కల్పిస్తానని విజయ్ కుమార్ మాయమాటలు చెప్పాడని, అయితే అతను గతంలోనే వివాహం చేసుకున్నాడని ఆ ఫిర్యాదులో ఆరోపించారు. అయితే, కొత్త దంపతుల్ని పోలీస్ స్టేషన్ కు పిలిపించి పోలీసులు విచారించారు.
తామిద్దరం మేజర్లమని ఇష్టప్రకారమే పెళ్లి చేసుకున్నామని చెప్పడంతో పోలీసులు కేసు నమోదు చేయలేమన్నారు. దీంతో ఆగ్రహించిన ప్రసూన తల్లి పోలీస్ స్టేషన్ దగ్గరే దాడికి ప్రయత్నించారు.