దోహాలోని ఇ-రింగ్‌ మరియు ఎఫ్‌-రింగ్‌ రోడ్ల మధ్యనున్న నజ్మా స్ట్రీట్‌ విస్తరణ దాఆపుగా పూర్తి కావచ్చింది. విస్తరణ పనులు వేగంగా పూర్తవుతున్నాయి. పెద్ద సంఖ్యలో కార్మికులు, అవసరమైనంత టెక్నికల్‌ ఎక్విప్‌మెంట్‌ విస్తరణ పనుల్ని పూర్తి చేయడానికి వినియోగించబడుతోంది. అనుకున్న సమయానికే విస్తరణ పూర్తవుతుందని అధికారులు వివరించారు. ఈద్‌ సెలవులు పూర్తయ్యే సమయానికి విస్తరణ పూర్తి కావచ్చు. విస్తరణ పనులు జరుగుతున్నందున వాహనదారులు సహకరించాలని, రద్దీ సమయాల్లో ట్రాఫిక్‌ ఇబ్బందులు కలుగుతున్నా, కొన్ని రోజుల్లో ఆ ఇబ్బందులు తొలగిపోతాయని అధికారులు చెప్పారు. రోడ్డు సామర్ధ్యం పెంచేందుకు, వాహనదారులకు సౌకర్యవంతంగా మలచేందుకు రోడ్డు విస్తరణను ప్రారంభించారు. ల్యాండ్‌స్కేపింగ్‌, స్ట్రీట్‌ లైటింగ్‌, ఫుట్‌పాత్స్‌, సైకిల్‌ పాత్స్‌ వంటి సౌకర్యాలతో కొత్త రోడ్డును తీర్చిదిద్దారు. అధునాతన సిగ్నలింగ్‌ వ్యవస్థను కూడా ఈ రోడ్‌ విస్తరణలో పొందుపర్చడం జరుగుతోంది. 

--వి.రాజ్ కుమార్(మాగల్ఫ్ ప్రతినిధి,ఖతార్)