మెగా స్టార్ చిరంజీవి ఖైదీ నెంబర్ 150 తో రీ ఎంట్రీ ఇచ్చి బాక్సాఫీస్ వద్ద కలెక్షన్ల వర్షం కురిపించాడు.. వరస సినిమాలపై దృష్టి పెట్టిన చిరంజీవి తన 151 సినిమాను సురేందర్ రెడ్డి దర్శకత్వంలో తెరకెక్కించడానికి రెడీ అవుతున్నాడు.. ఈ సినిమాను కూడా కొణిదెల బ్యానరపై రామ్ చరణ్ నిర్మిస్తున్నాడు. 151 వ సినిమా స్వతంత్ర్య సమర యోధుడైన ఉయ్యలవాడ నరసింహా రెడ్డి చరిత్రను సినిమాగా తెరకెక్కించనున్నారు.. ఈ సినిమాకు సమబంధించిన ప్రీ ప్రొడక్షన్ పనులపై ప్రస్తుతం దర్శక నిర్మాతలు దృష్టి పెట్టారు. మార్చి 27 న పూజాకార్యక్రమం జరుపుకొని రెగ్యులర్ షూటింగ్ ను ఏప్రిల్ నుంచి జరుపుకొనేలా చిత్ర యూనిట్ ప్లాన్ చేస్తోంది.. కాగా చిరంజీవి తన 152 వ సినిమాను కూడా లైన్ లో పెట్టాడు.. తాజాగా తన 152 సినిమా బోయపాటి శ్రీనుతో చేయనున్నట్లు చిరు ప్రకటించాడు.. బోయపాటి శ్రీను ప్రస్తుతం బెల్లంకొండ శ్రీనివాస్ తో ఓ సినిమా తెరకెక్కిస్తున్నాడు.. ఈ సినిమా కంప్లీట్ అయ్యాక చిరంజీవి సినిమా స్క్రిప్ట్ పై ఫోకస్ పెట్టనున్నట్లు తెలుస్తోంది.