అం జలి ప్రధాన పాత్ర పోషించిన చిత్రం ‘చిత్రాంగద’. జి.అశోక్‌ దర్శకత్వం వహించారు. గంగపట్నం శ్రీధర్‌, రెహమాన్‌ నిర్మాతలు. శుక్రవారం చిత్రం ప్రేక్షకుల ముందుకు వచ్చింది. ఈ సందర్భంగా హైదరాబాద్‌లో చిత్రబృందం విలేకరుల సమావేశం ఏర్పాటు చేసింది. అంజలి మాట్లాడుతూ ‘‘నటిగా నన్ను నేను నిరూపించుకొనేందుకు దొరికిన మరో అవకాశం ఇది. పునర్జన్మ నేపథ్యంలో సాగే కథ ఇది. ఓ అబ్బాయి మరో జన్మలో అమ్మాయిగా పుడితే ఎలా ఉంటుందన్న అంశం ప్రేక్షకులకు కొత్తగా అనిపించింద’’న్నారు. ‘‘అంజలి నటనే ఈ చిత్ర విజయానికి మూల’’మని నిర్మాతలు తెలిపారు. కార్యక్రమంలో మల్కాపురం శివకుమార్‌ పాల్గొన్నారు.