గో పీచంద్‌ కథానాయకుడిగా నటిస్తున్న చిత్రం ‘గౌతమ్‌ నంద’. హన్సిక, కేథరిన్‌ కథానాయికలు. సంపత్‌నంది దర్శకత్వం వహిస్తున్నారు. జె.భగవాన్‌, జె.పుల్లారావు నిర్మాతలు. ప్యాచ్‌ వర్క్‌ మినహా టాకీ పూర్తయింది. త్వరలో దుబాయ్‌లో రెండు పాటల్ని తెరకెక్కిస్తారు. మేలో ఈ చిత్రాన్ని ప్రేక్షకుల ముందుకు తీసుకొచ్చేందుకు సన్నాహాలు చేస్తోంది చిత్రబృందం. ఈ సందర్భంగా నిర్మాతలు మాట్లాడుతూ ‘‘గోపీచంద్‌లోని యాక్షన్‌ కోణాన్ని కొత్తగా చూపించే చిత్రమిది. ఇటీవల విడుదల చేసిన ఫస్ట్‌లుక్‌కి మంచి స్పందన వస్తోంది. ఇలాంటి గెటప్‌లో గోపీచంద్‌ని ఎప్పుడూ చూళ్లేదని చెబుతున్నారు.
సంపత్‌నంది చిత్రాన్ని స్టైలిష్‌గా తీర్చిదిద్దుతున్నారు. ఈనెల ద్వితీయార్ధంలో దుబాయ్‌లో ఇదివరకెప్పుడూ చూడని కొత్త లొకేషన్లలో రెండు పాటల్ని తెరకెక్కిస్తాం. కథానాయకుడి పరిచయ గీతాన్ని కొత్తగా చూపించబోతున్నాం. ఈ రెండు పాటలకూ రాజు సుందరం నృత్య రీతులు సమకూరుస్తారు.

ఏప్రిల్‌లో మిగిలిన మూడు పాటల్ని హైదరాబాద్‌లోనే చిత్రీకరిస్తామ’’న్నారు. సంగీతం: తమన్‌