బాలీవుడ్ హీరో షారూఖ్‌ఖాన్ ప్రయాణిస్తున్న కారు ఫొటోగ్రాఫర్‌ని ఢీకొన్న ఘటన ముంబైలో వెలుగులోకివచ్చింది. రీసెంట్‌గా బర్త్ డే వేడుకలు జరుపుకున్న అలియాభట్‌కి శుభాకాంక్షలు తెలిపేందుకు షారూఖ్ వెళ్తుండగా ఈ ఘటన జరిగింది. అదే సమయంలో కారులోవున్న షారూఖ్‌ని తన కెమెరాలో బంధించేందుకు ఫొటోగ్రాఫర్ ప్రయత్నిస్తుండగా కారుని అతని కాలుపై పోనిచ్చాడు డ్రైవర్.
ఫొటోగ్రాఫర్ కాలుపై కారు వెళ్లడంతో అతడికి తీవ్రగాయాలయ్యాయి. విషయం తెలుసుకున్న హీరో, వెంటనే కారు దిగి గాయపడిన బాధితుడ్ని ఆసుపత్రికి తరలించాడు. అనంతరం మాట్లాడిన షారూఖ్, జనం ఒక్కసారిగా 
ఎగబడటంతోనే కారుని డ్రైవర్ ముందుకు పోనిచ్చాడని, ఇది పొరపాటున జరిగిందని వివరించాడు.