బాలకృష్ణకు సంక్రాంతి పోటీనిచ్చాడు..! ఆ పోటీలో నెగ్గాడు..! మళ్లీ ఇప్పుడు అదే బాలయ్యతో ఉగాది బరిలో నిలుస్తున్నాడు..! ఉగాది బరిలోనూ నెగ్గుతాడా..? అటు సంక్రాంతి..ఇటు ఉగాదికి నటసింహంతో బరిలో నిలుస్తున్న ఆ యంగ్ హీరో శర్వానంద్. బాలయ్య వందో చిత్రం గౌతమిపుత్ర శాతకర్ణి సినిమా సంక్రాంతి బరిలో నిలిచి బాక్సాఫీస్ వద్ద కలెక్షన్లను బాగానే పిండుకుంది. అదే సంక్రాంతి బరిలో నిలిచిన శర్వానంద్ శతమానం భవతి సినిమా కూడా ఫ్యామిలీ ఎంటర్‌టైనర్‌గా ప్రేక్షకాదరణ పొంది.. బాక్సాఫీస్ వద్ద మనగలిగింది. అంతేకాదు.. శర్వానంద్‌కు కెరీర్‌లో బిగ్గెస్ట్ హిట్‌గా కూడా నిలిచింది. మరోసారి శర్వానంద్ బాలయ్యతో ఉగాది రేసులో నిలిచాడు. ప్రస్తుతం శర్వానంద్ కొత్త సినిమా రాధ చేతిలో ఉంది.
వాస్తవానికి 29న విడుదల కావాల్సి ఉన్నా వాయిదా పడింది. బాలయ్య కొత్త సినిమా మొన్ననే ప్రారంభమైంది. మరి, బాలయ్యతో శర్వానంద్ పోటీ ఎలా ఉంటుందన్న ప్రశ్న రావొచ్చు. కానీ, బిగ్ స్క్రీన్‌పై గౌతమిపుత్ర శాతకర్ణికి శతమానం భవతితోనే పోటీనిచ్చిన శర్వానంద్..
బుల్లితెరపైనా పోటీనిస్తున్నాడు. ఉగాది పర్వదినాన పలు చానెళ్లు కొత్త సినిమాలను ప్రసారం చేస్తున్నాయి. గౌతమిపుత్ర శాతకర్ణి, శతమానం భవతి, నాని జెంటిల్మెన్ సినిమాలు టీవీల్లో రాబోతున్నాయి. మూడు చిత్రాలు బాక్సాఫీస్ వద్ద ఘన విజయం సాధించాయి.
మరి, బుల్లితెరపై ఏ సినిమా సూపర్ హిట్ అవుతుందో.. ఏ సినిమాకు ఎక్కువ టీఆర్పీ వస్తుందో చూడాలి.