సమయం దొరికితే చాలు ఎవరో ఒకరిపై ఏదో ఒక కామెంట్‌ చేయనిదే రాంగోపాల్‌ వర్మకి నిద్రపట్టదు. తాజాగా ఆయన మరోసారి పవన్‌ కల్యాణ్‌ని ఉద్దేశిస్తూ వ్యంగ్యంగా ట్వీట్‌చేశారు. ఇటీవల పవన్‌ కల్యాణ్‌ ఓ ఇంటర్వ్యూ ఇచ్చారు.. అందులో ప్రకృతితో తనకున్న అనుబంధాన్ని చెబుతూ..‘నాకు మొక్కలంటే ప్రాణం.అవి నాతో మాట్లాడుతున్న అనుభూతి కలుగుతుంది. వాటిని ఏరా, తల్లీ అని పిలవాలనిపిస్తుంది. పొలంలో పాలిపోయి ఉన్న గులాబీ మొక్కను చూసి నువ్వు ఎండిపోతున్నావేరా అంతకష్టమేమొచ్చింది అని నిమిరా. ఒకట్రెండు రోజుల్లోనే ఆ కొమ్మకు కొత్త జీవం వచ్చింది.’ అని వివరించారు. దీనిపై వర్మ కామెంట్‌ చేస్తూ.. ‘పవన్‌కల్యాణ్‌ దేవుడని నేనెప్పుడూ నమ్ముతాను.
తిరుపతి బాలాజీ, యాదగిరి గుట్ట లక్ష్మీనరసింహస్వామి, భద్రాచలంలో రాముడులాంటి మిగతా దేవుళ్ల స్థానంలో పవన్‌కల్యాణ్‌ని పెట్టాలి’ అని వ్యంగ్యంగా కామెంట్‌ చేశారు వర్మ.