మలయాళ విలక్షణ నటుడు మోహన్ లాల్ తిరువనంతపురంలో సైకిల్ పై షికారుకెళ్లారు. తెల్లని లుంగీ, చొక్కా వేసుకున్న మోహన్ లాల్ కమాన్ మ్యాన్ లాగా సైకిల్ తొక్కుకుంటూ త్రివేండ్రం వీధుల్లో తిరిగాడు. ఉదయం 4న్నర గంటల ప్రాంతంలో సిటీలో ఆయన సైకిల్ తొక్కుకుంటూ వెళ్లారు. తనకు ఎంతో ఇష్టమైన త్రివేండ్రం సిటీలో ఈ విధంగా సైకిల్ తొక్కుకుంటూ తిరగాలనేది ఆయన చిరకాల కోరికని లోకల్ కేరళ పత్రిక కౌముది డెయిలీ పేర్కొంది.

ప్రజలు, అభిమానుల దృష్టిలో పడకుండా ఉండేందుకే ఆ సమయాన్ని మోహన్ లాల్ ఎంచుకున్నట్లు తెలుస్తోంది. కాగా, పాథానమ్ థిత్త జిల్లాలోని ఎలంతూర్ గ్రామానికి చెందిన మోహన్ లాల్ తిరువనంతపురం సిటీలో పెరిగారు. మోహన్ లాల్ యుక్తవయసులో ఉన్న సమయంలో తన ఫ్రెండ్స్ తో కలిసి ఉదయం సమయంలో సైకిల్ రైడింగ్ కు వెళ్లేవాడట. అక్కడి ప్రముఖ రెస్టారెంట్ ‘ఇండియన్ కాఫీ హౌస్’ లో కాఫీ తాగుతూ సమయం గడిపేవారి సమాచారం.