మనామా: బాలుర కోసం ప్రత్యేకంగా కొత్త ఇసా టౌన్ స్కూల్ ను నిర్మించనున్నారు. రానున్న కొత్త విద్యా సంవత్సరం 2017-18 నాటికి దీనిని పూర్తిచేసేందుకు అధికారులు ఏర్పాట్లు చేస్తున్నారు.ఇటీవల ఇసా టౌన్ స్కూల్ ను సందర్శించిన విద్యా శాఖ మంత్రి డాక్టర్ మాజిద్ అల్ నురిమి పరిపాలనా సిబ్బందితో సమావేశమైన ఆయన  బాలుర కోసం ఈ పాఠశాలను నిర్మించి  ప్రారంభోత్సవం త్వరలో జరపనున్నట్లు  ప్రకటించారు. ఈ పాఠశాల విద్యా సంవత్సరం చివరికి పూర్తిచేయనున్నట్లు చెబుతూ, ఈ ఆవరణలో ఉన్న పాత భవనంను కూల్చి ఆ ప్రాంతంలో నూతన బాలుర పాఠశాల భవనాలను నిర్మించేందుకు అధికారులు సన్నాహాలు చేపట్టాలని మంత్రి ఆదేశించారు.