ప్రపంచంలోనే అతిపెద్ద భవనమైన బుర్జ్‌ ఖలీఫా ఆవరణలో భారీ అగ్నిప్రమాదం చోటుచేసుకుంది. ఖలీఫా పక్కనే నిర్మాణంలో ఉన్న భవనంలో ఆదివారం ఉదయం 6.30 గంటల సమయంలో భారీగా మంటలు చెలరేగాయి. వెంటనే సహాయక సిబ్బంది హెలికాప్టర్ల సాయంతో మంటలు అదుపుచేశారు. అయితే ఈ ఘటనలో ఎవరికీ ఎటువంటి ప్రమాదం జరగలేదు. దట్టంగా పొగలు వ్యాపిస్తుండడంతో ట్రాఫిక్‌ ఎక్కడికక్కడే నిలిచిపోయింది. మంటలు వ్యాపించిన భవనం దుబాయ్‌కి చెందిన రియల్‌ ఎస్టేట్‌ దిగ్గజ సంస్థ ఎమ్మార్‌కి చెందిందిగా అధికారులు గుర్తించారు.