సెక్యూరిటీ ఉద్యోగి హత్య కేసులో కొరియాకి చెందిన వ్యక్తికి 20 ఏళ్ళ జైలు శిక్ష విధించింది న్యాయస్థానం. ఇదే కేసులో మరో ముగ్గురికి మూడేళ్ళ జైలు శిక్ష, డిపోర్టేషన్‌ని న్యాయస్థానం విధించడం జరిగింది. అలాగే, నలుగురు వ్యక్తులూ కలిసి బ్లడ్‌ మనీ 200,000 ఖతారీ రియాల్స్‌ని బాధిత కుటుంబానికి చెల్లించాలని ఆదేశించింది న్యాయస్థానం. ఓ కంపెనీలోకి అక్రమంగా ప్రవేశించి, అందులోని ఐరన్‌ సేఫ్‌ని దొంగిలించే క్రమంలో సెక్యూరిటీ ఉద్యోగిని నిందితులు హతమార్చారు. మరో కేసులో దోహా క్రిమినల్‌ కోర్టు, ఇండోనేసియాకి చెందిన వ్యక్తికి ఏడాది జైలు శిక్ష, డిపోర్టేషన్‌ని విధించింది. షాపింగ్‌ మాల్‌లో దొంగతనం చేసిన నేరంపై నిందితుడు అభియోగాలు ఎదుర్కొంటున్నాడు. దొంగిలించిన వస్తువులతో షాపింగ్‌ మాల్‌ నుంచి పారిపోయిన ఆ వ్యక్తి, మూడు రోజుల తర్వాత తిరిగి అదే షాపింగ్‌ మాల్‌కి వెళ్ళగా సెక్యూరిటీ కెమెరా ద్వారా అతన్ని గుర్తించిన భద్రతా సిబ్బంది అదుపులోకి తీసుకుని, పోలీసులకు అప్పగించారు.