మనామా: కువైట్‌లో సెక్యూరిటీ అథారిటీస్‌, ఇద్దరు మహిళలకు స్వేచ్ఛ కల్పించారు. ఇద్దరు ఉగాండాకి చెందిన వ్యక్తుల్ని అరెస్ట్‌ చేసి, హ్యూమన్‌ ట్రాఫికింగ్‌ కేసులు నమోదు చేశారు. ఇద్దరు మహిళలు సియెర్రాలియన్‌కి చెందినవారు. సలామియాలోని ఓ అపార్ట్‌మెంట్‌లో ఇద్దరు మహిళల్ని ఉగాండాకి చెందినవారు ఉంచారన్న సమాచారంతో పోలీసులు అప్రమత్తమై, దాడులు నిర్వహించారు. తనిఖీల్లో పోలీసులకు బ్యాంకు నోట్లు, ప్లేన్‌ టిక్కెట్స్‌, వీసా ఫామ్స్‌ కూడా లభ్యమయ్యాయి. మంచి ఉద్యోగం ఇస్తామని చెప్పి ఉగాండాకి చెందిన ఇద్దరు వ్యక్తులు ఈ మహిళల్ని రెండు నెలలపాటు తమ వెంట ఉంచుకోవడం జరిగింది. ఉగాండా వ్యక్తుల చేతులో దాడులకు గురైన మహిళలను సంరక్షణా కేంద్రాలకు తరలించారు.