జెడ్డా: సెక్యూరిటీ అఫీషియల్స్‌, ఈజిప్ట్‌కి చెందిన ఓ వలసదారుడ్ని టైఫ్‌లో అదుపులోకి తీసుకున్నారు. ఓ ఛానల్‌ లైవ్‌ కార్యక్రమం కొనసాగుతుండగా, ఆ కార్యక్రమానికి ఫోన్‌ చేసిన నిందితుడు, మహిళా టీవీ ప్రెజెంటర్‌పై వివాదాస్పద వ్యాఖ్యలు చేశాడు. దాంతో, టీవీ సిబ్బంది పోలీసులకు ఫిర్యాదు చేశారు. టెలిఫోన్‌ కాల్‌ ఆధారంగా విచారణ జరిపిన పోలీసులు, నిందితుడ్ని అరెస్ట్‌ చేశారు. 46 ఏళ్ళ నిందితుడు, తాను చేసిన దుశ్చర్యను ఒప్పుకున్నాడు. అతన్నుంచి మొబైల్‌ ఫోన్‌ని స్వాధీనం చేసుకున్నారు. బ్యూరో ఆఫ్‌ ఇన్వెస్టిగేషన్స్‌ అండ్‌ పబ్లిక్‌ ప్రాసిక్యూషన్‌ చట్టపరమైన చర్యలు తీసుకోనుంది.