మస్కట్‌: రాయల్‌ ఒమన్‌ పోలీసులు ఒమనీ మహిళను, హత్యా నేరం కింద అరెస్ట్‌ చేశారు. సౌత్‌ బతినాలోని విలాయత్‌ ఆఫ్‌ బర్కాలో 23 ఏళ్ళ సిటిజన్‌ని నిందితురాలు హత్య చేసింది. ఫొటోలతో తనను బ్లాక్‌మెయిల్‌ చేస్తున్నందున ఆ వ్యక్తిని నిందితురాలు హత్య చేసినట్లు పోలీసులు వెల్లడించారు. గతంలో ఆ వ్యక్తితో నిందితురాలు సన్నిహితంగా మెలిగిందనీ, ఆ సమయంలో కొన్ని ప్రైవేట్‌ మూమెంట్స్‌ని ఆ వ్యక్తి ఫొటోల్లో బంధించి, ఆ తర్వాత బ్లాక్‌మెయిల్‌ చేశాడనీ, అతని బ్లాక్‌మెయిల్‌ పట్ల తీవ్ర మనోవేదనకు గురైన నిందితురాలు, సెటిల్‌మెంట్‌ కోసం ఇంటికి పిలిచి, కత్తితో పొడిచి చంపినట్లు పోలీసు అధికారులు వివరించారు.