అమెరికాలోని లూజియానాలో భారీ అగ్నిప్రమాదం చోటు చేసుకుంది. తెలుగు స్టూడెంట్స్ భారీగా ఉండే ప్రాంతంలో ఈ ఘటన జరిగింది. ఈ అగ్ని ప్రమాదంలో తెలుగు విద్యార్థులకు చెందిన పాస్ పోర్టులు, వీసా డాక్యుమెంట్లతో పాటు మరిన్ని విలువైన వస్తువులు తగులబడిపోయాయని తెలుస్తోంది. ఉన్నత విద్యనభ్యసించేందుకు చేరిన తెలుగువారు ఈ ప్రాంతంలోనే నివాసం ఉంటారని తెలుస్తోంది. కాగా, అగ్నిమాపక సిబ్బంది సంఘటనాస్థలికి చేరుకుని మంటలను అదుపులోకి తీసుకొని వస్తున్నారు. దీనికి కారణాలు, నష్టం వివరాలు తెలియాల్సి ఉంది.