ప్రధాని నరేంద్ర మోదీతో ముస్లిం మత పెద్దలు భేటీ అయ్యారు. జమైత్ ఉలమా-ఇ-హింద్ ఆధ్వర్యంలో మంగళవారం కొందరు ప్రతినిధులు మోదీతో సమావేశమై పలు అంశాలపై చర్చించారు. తలాక్ అంశాన్ని రాజకీయం చేయవద్దని ఈ సందర్భంగా ప్రధాని వారిని కోరారు. సంస్కరణలకు చొరవ చూపాలని ముస్లిం మత పెద్దలకు మోదీ సూచించారు.
ముస్లిం మతానికి సంబంధించిన సమస్యలపై ప్రధాని మోదీ వైఖరి సహేతుకంగా, సంతృప్తికరంగా ఉందని సమావేశం అనంతరం అందులో పాల్గొన్న మౌలానా ఎం మదాని తెలిపారు. మోదీతో చర్చల పట్ల తామంతా చాలా ఆశతో ఉన్నట్లు ఆయన వెల్లడించారు.