ఖతార్‌ ఛారిటీ, యెమెన్‌లోని తైజీ ప్రాంతంలో క్లీన్‌ వాటర్‌ అనే గొప్ప కార్యక్రమాన్ని ప్రారంభించింది. సబోల్‌ ఛారిటీతో కలిసి ఈ కార్యక్రమాన్ని చేపడుతోంది ఖతార్‌ చారిటీ. నెలకు 104 బ్యారెళ్ళ డీజిల్‌ని, ఎనిమిది మేజర్‌ పంప్స్‌ కోసం వినియోగించనున్నారు. తద్వారా 300,000 మందికి ఉపయోగకరం కానుంది. ఖతార్‌ ఛారిటీ రిలీఫ్‌ డిపార్ట్‌మెంట్‌ డైరెక్టర్‌ మొహమ్మద్‌ అల్‌ కాబి మాట్లాడుతూ, నీటి కారణంగా వచ్చే అనారోగ్య సమస్యల నేపథ్యంలో ఈ కార్యక్రమాన్ని చేపట్టినట్లు తెలిపారు. వాటర్‌ మరియు శానిటేషన్‌కి సంబంధించి యెమెన్‌లో ఖతార్‌ చారిటీ పలు కార్యక్రమాలు చేపడుతోంది. ఎమర్జన్సీ రిలీఫ్‌ ప్రాజెక్ట్‌ కింద ఖతార్‌ చారిటీ 2500 ఫుడ్‌ బాస్కెట్స్‌ని కూడా ప్రారంభించింది.