నిషేధిత డ్రగ్స్‌ సేవించడం, అలాగే వాటిని విక్రయించడం వంటి నేరాభియోగాలు రుజువైనందున యెమనీ వ్యక్తికి పదేళ్ళ జైలు శిక్ష అలాగే 200,00 ఖతారీ రియాల్స్‌ జరీమానా విధించింది దోహా క్రిమినల్‌ కోర్టు. అలాగే శిక్ష పూర్తయ్యాక, అతన్ని డిపోర్టేషన్‌ చేయాలని ఆదేశించింది న్యాయస్థానం. నిందితుడితో సంబంధం ఉన్న మరో వ్యక్తిని కూడా ఇదే తరహా ఆరోపణలతో పోలీసులు అరెస్ట్‌ చేశారు. అతని వద్ద నుంచి హాషిస్‌ని స్వాధీనం చేసకున్నారు. అతనికి ఆరు నెలల జైలు శిక్ష, 10,000 ఖతారీ రియాల్స్‌ జరీమానా విధించారు. డ్రగ్స్‌కి సంబంధించిన సమాచారం అందుకోగానే, పోలీసులు వ్యూహాత్మకంగా వ్యవహరించి, నిందితుల్ని రెడ్‌ హ్యాండెడ్‌గా పట్టుకున్నారు. ఆధారాలు సేకరించి, విచారణ పూర్తి చేసి, నిందితుల్ని న్యాయస్థానం ముందుంచారు.