కాలుతున్న చితి..!!

- May 17, 2017 , by Maagulf

ఎగసి పడుతున్న మంటల్లో
కాలుతున్న నిజాల నుంచి
పచ్చి నెత్తుటి వాసన వస్తూనే ఉంది

మండుతున్న గుండె చప్పుడు
వినిపిస్తున్న ఖేదాల నాదాన్ని
చావు దప్పుల మోతలో కలిపేస్తోంది

మనసు జార్చిన భారమంతా కలిసి 
కన్నీటి తడిలో ఆరిపోతున్న
దీపాల వెలుగు మసకబారుతోంది

నిన్నటి గతాన్ని జ్ఞాపకంగా మార్చి
రేపటి వాస్తవానికి నాందిగా కాలుతున్న చితి 
స్నేహంగా మరణంతో మాట్లాడుతోంది...!!

 

--మంజు యనమదల 

Click/tap here to subscribe to MAAGULF news alerts on Telegram
   
Copyrights 2015 | MaaGulf.com