నటుడు అమితాబ్ బచ్చన్ వయస్సు 74 ఏళ్లు కదా.. మరేంటి 102 ఏళ్లు అంటున్నారని కంగారు పడకండి. అమితాబ్ తాజా చిత్రంలో 102 ఏళ్ల వృద్ధుడిగా ఆయన కనిపించబోతున్నారు. దాదాపు 26 ఏళ్ల తర్వాత బాలీవుడ్ దిగ్గజాలు అమితాబ్ బచ్చన్, రిషి కపూర్లు కలిసి తెరపై మెరవబోతున్నారు. ఉమేశ్ శుక్లా దర్శకత్వంలో వస్తున్న 102 నాటౌట్ సినిమాలో వీరిద్దరూ తండ్రీకొడుకులుగా కన్పించబోతున్నారు. ఇందులో తండ్రి పాత్రలో అమితాబ్ 102 ఏళ్ల వృద్ధుడిగా.. రిషికపూర్ 75 ఏళ్లకుమారుడిగా నటిస్తున్నారు. ఈ నేపథ్యంలో వృద్ధులుగా కనిపిస్తున్న వీరిద్దరి ఫోటోలు సోషల్మీడియాలో వైరల్గా మారాయి.