సాయి అరుణాచలేశ్వర క్రియేషన్స్‌ బ్యానర్‌పై దిలీప్‌ ప్రకాష్‌, రెజీనా హీరో హీరోయిన్లుగా అర్జున్‌సాయిని దర్శకునిగా పరిచయం చేస్తూ నవీన్‌ రెడ్డి నిర్మిస్తున్న 'హరే రామ హరే కష్ణ' చిత్రం శుక్రవారం హైదరాబాద్‌ శామీర్‌ పేటలోని ఓ దేవాలయంలో ప్రారంభమయింది.దర్శకుడు మాట్లాడుతూ... దర్శకుడుగా తొలి చిత్రమిది. కామెడికి ఎక్కువ ప్రాధాన్యత ఇస్తూ స్క్రిప్ట్‌ను తయారు చేసుకున్నాను. పదిరోజుల పాటు ఈ షెడ్యూల్‌ జరుగుతుంది'' అన్నారు. రెజీనా మాట్లాడుతూ... వైవిధ్యమైన కథ, కథనాలతో సాగే చిత్రమిది. హెచ్‌.ఆర్‌. డిపార్ట్‌మెంట్‌లో పనిచేసే అమ్మాయి పాత్ర. సంప్రదాయ కళలకు ఆదరణ తగ్గిపోతున్నాయి. అలా ఆదరణ తగ్గిపోతున్న సంప్రదాయ కళలను కాపాడటానికి ప్రయత్నించే యువతి పాత్రలో నటిస్తున్నాను అన్నారు. నిర్మాత నవీన్‌రెడ్డి. ఎన్‌ మాట్లాడుతూ... పది రోజుల పాటు హైదరాబాద్‌లో జరిగే షెడ్యూల్‌లో ప్రధాన తారాగణం పై కీలక సన్నివేశాల చిత్రీకరణ జరుగుతుంది. తెలుగు, తమిళ భాషల్లో ఏకకాలంలో ఈ సినిమా చిత్ర్రీకరణ జరుగుతుందని అన్నారు.