వెనెజులా లో ప్రభుత్వ వ్యతిరేక ప్రదర్శనలు హింసాత్మకంగా మారుతున్నాయి.రాజధాని కారకాస్ లో సుమారు రెండు లక్షలమంది శనివారం భారీ ర్యాలీ నిర్వహించారు. ఆ సందర్భంలో ఓ వ్యక్తిని దొంగ అన్న నెపం పై కొందరు అతడ్ని పట్టుకుని నిప్పంటించగా, కేకలు పెడుతూ ఆ వ్యక్తి వీధుల్లో పరుగులు తీశాడు.
దేశంలో ఆహారం, మందుల కొరత తీవ్రంగా ఉందని, ఇందుకు అధ్యక్షుడు నికొలస్ మడురో ప్రభుత్వమే కారణమని ఆరోపిస్తూ ప్రతిపక్షాలు ఆందోళనకు పిలుపునిచ్చాయి. శనివారం జరిగిన ఘర్షణలు, పోలీసుల కాల్పుల్లో ఇద్దరు మరణించగా 40 మందికి పైగా గాయపడ్డారు. ఉద్రిక్త పరిస్థితులు కొనసాగుతున్నాయి.