‘బాహుబలి 2’ భారీ విజయంతో జాతీయస్థాయిలో ప్రభాస్ కి విపరీతమైన క్రేజ్ వచ్చింది. దాంతో పలువురు బాలీవుడ్ దర్శక నిర్మాతల దృష్టి ఆయనపై పడింది. తమకి సినిమాలు చేసిపెట్టమంటూ భారీ పారితోషికాన్ని ఆఫర్ చేస్తున్నారు. అయినా ప్రభాస్ సున్నితంగా తిరస్కరిస్తూ వస్తున్నాడు. అందుకు కారణమేమిటని తాజాగా ఒక ఆంగ్ల దినపత్రిక అడిగిన ప్రశ్నకి ప్రభాస్ సమాధానమిచ్చాడు. తనకి డబ్బుకంటే .. ఫ్యామిలీ .. ఫ్రెండ్స్ ముఖ్యమని ప్రభాస్ చెప్పాడు. వాళ్లతో ఎక్కువ సమయం గడపడానికి ఇష్టపడతానని అన్నాడు. ప్రస్తుతం తన దృష్టి ‘సాహో’ సినిమాపై ఉందని చెప్పాడు. ‘బాహుబలి 3’ భాగం ఉంటుందో లేదో తనకి తెలియదనీ, ఒకవేళ అలాంటి అవకాశం వస్తే చేయడానికి తాను సిద్ధంగా ఉన్నానని చెప్పుకొచ్చాడు.