దుబాయ్: దిర్హామ్స్ గల గలకు ...గాలి నియంత్రణలో ఉండటమే కాదు...మరింత పరిశుభ్రంగా ఉంటుంది. దీనిని నిజం చేస్తూ వాయు ప్రక్షాళన కోసం దుబాయి మున్సిపాలిటీ 2017-2021 మధ్యకాలంలో  దుబాయ్ ఎమిరేట్ కోసం వాయు నాణ్యత వ్యూహం (ఎయిర్ క్వాలిటీ స్ట్రాటజీని) ప్రారంభించింది. ఇందు కోసం పలు ప్రణాళికలు, ప్రోత్సాహకాలను ఐదు సంవత్సరాల వ్యవధిలో అంచెలంచెలుగా అమలు చేయనుంది. 2021 నాటికి దుబాయ్ ప్రపంచం లోనే ఉత్తమ నాణ్యత గల వాయువు వీచే నగరంగా స్థాపించాలని అభిలషిస్తోందని గురువారం దుబాయ్ మున్సిపాలిటీ డైరెక్టర్ జనరల్ హుస్సేన్ నస్సర్ లూట పేర్కొన్నారు. ఈ సందర్భంగా ఆయన మాట్లాడుతూ, ఈ వ్యూహాన్ని తయారుచేసేందుకు ఒక సంవత్సరం నుంచి వ్యూహాలు రచిస్తున్నట్లు ఎగ్జిక్యూటివ్ కౌన్సిల్ యొక్క జనరల్ సెక్రటేరియట్ సమన్వయ మరియు సహకారంతో ఆ లక్ష్యాలకు చేరుకొంటామని ఆయన  అన్నాడు, దుబాయ్ 2021 ప్రణాళిక యొక్క వ్యూహాత్మక లక్ష్యాలతో తాము ప్రధాన దృష్టిని కేంద్రీకరించినట్లు ఆయన తెలిపారు.