లేబర్‌ మార్కెట్‌ రెగ్యులేటరీ అథారిటీ (ఎల్‌ఎంఆర్‌ఎ), రెండు రకాలైన వర్క్‌ పర్మిట్స్‌ని వలసదారులకోసం జారీ చేసే ప్రక్రియను ప్రారంభించింది. ఎల్‌ఎంఆర్‌ఎ చీఫ్‌ ఎగ్జిక్యూటివ్‌ ఆఫీసర్‌ ఔసామా అల్‌ అబ్సి మాట్లాడుతూ, ఇండియన్‌ అంబాసిడర్‌ టు బహ్రెయిన్‌ అలోక్‌ కుమార్‌ సూచన మేరకు ఈ విధానాన్ని అమలు చేస్తున్నట్లు తెలిపారు. నేషనల్‌ కమిటీ ఫర్‌ కంబాటింగ్‌ ట్రాఫికింగ్‌ ఇన్‌ పర్సన్స్‌ హెడ్‌ కూడ అయిన అల్‌ అబ్సి మాట్లాడుతూ, 2000 ఫ్లెక్సి వర్క్‌ పర్మిట్స్‌, హాస్పిటాలిటీ వర్క్‌ పర్మిట్స్‌ నెలవారీగా - రెండేళ్ళ సమయానికోసం జారీ చేస్తున్నట్లు వివరించారు.రెస్టారెంట్లు, హోటల్స్‌, సెలూన్స్‌ వంటివాటిల్లో పనిచేసేవారి కోసం హాస్పిటాలిటీ ఫ్లెక్సీ వర్క్‌ పర్మిట్స్‌ని అందిస్తారు.ఫ్లెక్సీ స్కీమ్‌ ద్వారా లబ్ది పొందేవారికి ప్రత్యేకమైన గుర్తింపు కార్డుని జారీ చేస్తారు. వలసదారులు హ్యూమన్‌ ట్రాఫికింగ్‌కి గురి కాకుండా బహ్రెయిన్‌ చేపడుతున్న చర్యల్లో ఇది కూడా ఒకటని ఆయన వివరించారు.