కాబూల్‌లో ఉగ్రదాడిని మరువక ముందే ఆఫ్గనిస్థాన్‌లో మరో దాడి జరిగింది. కాబూల్‌కు తూర్పున 120 కి.మీ. దూరంలో ఉన్న జలాలాబాద్‌లోని విమానాశ్రయం బయట గురువారం ఉదయం కారులో ఉండి బాంబును పేల్చారు.
కాబూల్ బాంబు పేలుడు మా పనే: ఇస్లామిక్ స్టేట్ ఉగ్రవాదుల ప్రకటన
ఈ ఘటనలో ఒక సైనికుడు మృతి చెందాడు. మరో అయిదుగురు తీవ్రంగా గాయపడ్డారు. విమానాశ్రయాన్ని లక్ష్యంగా చేసుకొనే ఈ బాంబును పేల్చినట్లు నాన్‌ఘర్‌ ప్రావిన్స్‌ గవర్నర్‌ తెలిపారు.
దీనిపై అధికారులు దర్యాప్తు చేపట్టారు. ఆఫ్గనిస్థాన్‌లో ఆత్మాహుతి దాడి జరగడం 24 గంటల్లో ఇది రెండోసారి. నిన్న ఉదయం కాబూల్‌లో జరిగిన ఆత్మాహుతి దాడిలో 90 మందికిపైగా మృతిచెందగా, 400 మంది గాయపడ్డారు.