డ్రైనేజీలో డెడ్ బాడీ. అదేదో అనాధ శవం కాదు. కన్న తండ్రే స్వయంగా తన కూతురు మృతదేహాన్ని మురుగు కాలువలో పడేశాడు. కారణం.. పేదరికం. అంత్యక్రియలు చేయడానికి చేతిలో చిల్లుగవ్వ లేక.. మనసు చంపుకొని మరీ ఇలాంటి పని చేశాడు. హైదరాబాద్ శివారు రాజేంద్రనగర్ సర్కిల్ లో జరిగిందీ ఘటన.
డ్రైనేజీలో మహిళ మృతదేహం పడుందని స్థానికుల సమాచారంతో పోలీసులు వచ్చారు. వివరాలు ఆరా తీస్తే.. కన్న తండ్రే కూతురు డెడ్ బాడీని ఇలా డ్రైనేజ్ లో పడేశాడని తెలిసింది. డబ్బులు లేక పోతే.. ఎవరికైనా చెప్పాలి.. లేక పోతే, స్మశాన వాటికలో సంప్రదించాలి. అంతేగాని.. ఇలా మురుగు కాలువలో వదిలేసి వెళ్లిపోవడం ఏంటని పోలీసులు ఆ తండ్రికి కౌన్సిలింగ్ ఇచ్చారు.