ఒక్కటంటే ఒక్క హిట్టు పడితే చాలు దూసుకుపోయే హీరోయిన్లు చాలా మందే ఉన్నారు మరికొందరేమో వచ్చిన విజయాన్ని కూడా క్యాష్‌ చేసుకోలేరు. అలాంటి వారిలో బాపు బొమ్మ ప్రణీత పేరు చెప్పుకోవాలసిందే! 'అత్తారింటికి దారేది' ద్వారా ఘన విజయాన్ని అందుకొన్న తరువాత కూడా దాన్ని క్యాష్‌ చేసుకోలేకపోయిన ఈ చిన్నది నటన తన వల్లకాదనుకొని వ్యాపారం వైపు అడుగులు వేసింది. ఓ రెస్టారెంట్‌ వ్యాపారం ముందు ప్రారంభించి ఆ తరువాత దాన్ని బార్ అండ్‌ రెస్టారెంట్‌గా మార్చింది. ఇప్పుడిప్పుడే లాభాలను కళ్ళజూస్తున్న ప్రణీతను 'సినీ నిర్మాతగా మారే ఉద్దేశం ఉందా?' అని అడిగారు. దానికి బదులుగా 'ఇప్పటికిప్పుడు అంటే కుదరదు. భవిష్యత్తులో నిర్మాతగా మారతాను' అని చెప్పింది! ఇంకేముంది? నిర్మాతగా ప్రణీత అంటూ వార్తలు హల్‌ చల్ చేస్తున్నాయి. అంతేకాకుండా కొందరు ఔత్సాహికులు కథలు చెబుతామంటూ ఆమె వెంట పడడం మొదలెట్టారట కూడా!