సోషల్‌ మీడియా, ఇతర మాధ్యమాల ద్వారా ఖతార్‌పై సానుభూతి తెలిపేందుకు ఎవరైనా సాహసిస్తే జైలు శిక్ష ఎదుర్కోవాల్సి వస్తుందని బహ్రెయిన్‌ ఇంటీరియర్‌ మినిస్ట్రీ గురువారం హెచ్చరికలు జారీ చేసింది. బహ్రెయిన్‌తోపాటు కొన్ని గల్ఫ్‌ దేశాలు, అలాగే కొన్ని అరబ్‌ నేషన్స్‌, ఖతార్‌ విషయమై కీలక నిర్ణయం తీసుకుందని పేర్కొన్న మినిస్ట్రీ ఆ నిర్ణయాన్ని గౌరవించాల్సిన బాధ్యత బహ్రెయిన్‌లో ప్రతి ఒక్కరి మీదా ఉందని స్పస్టం చేసింది. హెచ్చరికల్ని బేఖాతరు చేసినవారికి చట్టాల ప్రకారం ఐదేళ్ళ వరకు జైలు శిక్ష తప్పదని తెలిపింది.