37 ఏళ్ళ బంగ్లాదేశీ కార్మికుడు అగ్ని ప్రమాదం కారణంగా నిద్రలోనే అగ్ని కీలలకు ఆహుతైపోయిన దుర్ఘటన షార్జాలో చోటు చేసుకుంది. ఓ కార్‌ వాష్‌ సెంటర్‌కి అటాచ్‌ చేసి ఉన్న ఉడెన్‌ రూమ్‌లో కార్మికుడు నిద్రపోయాడు. దురదృష్టవశాత్తూ సంభవించిన అగ్ని ప్రమాదంలో అతను ఆహుతైపోయాడు. ఏసీలో షార్ట్‌ సర్క్యూట్‌ కారణంగా ప్రమాదం జరిగినట్లు గుర్తించారు. షార్జా సివిల్‌ డిఫెన్స్‌ డైరెక్టర్‌ జనరల్‌ కల్నల్‌ సమి అల్‌ నకాబి మాట్లాడుతూ, సమాచారం అందుకోగానే ఫైర్‌ ఫైటర్స్‌ సంఘటనా స్థలానికి చేరుకున్నారని చెప్పారు. సంఘటనా స్థలం నుంచి మృతదేహాన్ని ఫోరెన్సిక్‌ లేబరేటరీకి తరలించారు. ప్రమాదంపై విచారణ జరుగుతోంది.