చంద్ర బాలాజీ ఫిలింస్ పతాకంపై అశోక్ కుమార్, ప్రియావర్మ జంటగా నటిస్తున్న చిత్రం 'అనగనగా ఒక వూళ్లొ'. ఈ చిత్ర ఫస్ట్లుక్ శుక్రవారం విడుదలైంది. ప్రముఖ నటుడు బెనర్జీ ఈ ఫస్ట్లుక్ విడుదల చేశారు.

ఈ సందర్భంగా ఆయన మాట్లాడుతూ.. 'చిత్రంలో నేను రెగ్యులర్గా చేసేపాత్ర కాకుండా విభిన్న పాత్రలో నటించా. పల్లెటూరి నేపథ్యంలో సినిమా ఆసక్తికరంగా ఉంటుంది. లవ్, ఫ్యామిలీ రిలేషన్స్, ఎమోషన్స్ ఇలా అన్ని ఎలిమెంట్స్తో దర్శకుడు తెరకెక్కించారు. సంభాషణలు ఆకట్టుకునేలా ఉన్నాయి. నిర్మాతలు కూడా కథకు తగ్గట్టుగా ఎక్కడా రాజీ పడకుండా సినిమాను నిర్మించారు. టీం అంతా చక్కగా సహకరించారు' అన్నారు.

నిర్మాత చంద్రరావు మాట్లాడుతూ.. 'అంతర్వేదిలో సినిమా షూటింగ్ ప్రారంభించాం. 45 రోజుల పాటు రాజోలు పరిసర ప్రాంతాల్లో షూటింగ్చేశాం. పల్లెటూరి వాతావరణంలో జరిగే కథ ఇది. రాజమౌళి గారి లాంటిపెద్ద దర్శకుల వద్ద మా దర్శకుడు సాయికృష్ణ పని చేయడంతో తొలి సినిమా అయినా అనుభవం ఉన్న దర్శకుడిలా సినిమా తీశారు. బెనర్జీ, సుమన్ కీలక పాత్రల్లో నటించారు.' అన్నారు.