ఆసియాకి చెందిన కార్మికుడొకరు అల్‌ అయిన్‌ సిటీలో, పిడుగుపాటు కారణంగా మృతి చెందాడు. పనిచేస్తున్న ప్రాంతంలో పిడుగు పడి కార్మికుడు మృతి చెందినట్లు అధికారులు వెల్లడించారు. ఆ సమయంలో పెద్దయెత్తున శబ్దాలు విన్పించాయనీ, చిన్నపాటి అగ్ని ప్రమాదం కూడా చోటు చేసుకుందని అబుదాబీ సివిల్‌ డిఫెన్స్‌ డైక్టర్‌ జనరల్‌ కల్నల్‌ మొహమ్మద్‌ అబ్దుల్‌ జలీల్‌ అల్‌ అన్సారీ చెప్పారు. ఘటన జరిగిన ప్రాంతానికి తక్షణం రెస్క్యూ టీమ్‌ వెళ్ళినా అప్పటికే ఆ వ్యక్తి మృతి చెందాడు. పిడుగుపాటు కారణంగా ఆ ప్రాంతంలో కొంత ఆస్తి నష్టం కూడా సంభవించిందని అబుదాబీ సివిల్‌ డిఫెన్స్‌ వర్గాలు చెప్పాయి.