మస్కట్‌: ఖరీఫ్‌ సీజన్‌ ఫుల్‌ స్వింగ్‌లో ఉండటంతో మస్కట్‌ మరియు సలాలా మధ్య ఆటో క్యారియర్స్‌కి డిమాండ్‌ పెరిగింది. ప్రమాదాలు ఎక్కువవుతున్న నేపథ్యంలో ఎక్కువమంది ట్రాన్స్‌పోర్ట్‌ వాహనాలను ఆశ్రయిస్తున్నారు. వ్యక్తిగత వాహనాల్లో ప్రయాణాలు చాలావరకు తగ్గాయని అల్‌ అవ్వాన్‌ ట్రాన్స్‌పోర్ట్‌ అధికారి ఒకరు చెప్పారు. ఫ్యూయల్‌ ధరల పెరుగుదల కూడా వాహనదారులు, సొంత వాహనాల్ని పక్కన పెట్టి ట్రాన్స్‌పోర్ట్‌ వాహనాలపై దృష్టిపెట్డడానికి కారణమని ఆయన వివరించారు. ఇక్కడ రిస్క్‌ అనేది ముఖ్యమైన అంశమనీ, ఆ రిస్క్‌ చేయడానికి ఎవరూ ముందుకు రావడంలేదని చెబుతూ, సేఫ్టీకి ప్రాధాన్యమిచ్చేవారు ఎక్కువవుతున్నట్లు తెలియజేశారు. మస్కట్‌ నుంచి సలాలా వచ్చి వెళ్ళేందుకు సెలూన్‌ కార్‌లో 85 ఒమన్‌ రియాల్స్‌ ఖర్చవుతుండగా, ఎస్‌యూవీకి 100 ఒమన్‌ రియాల్స్‌ ఖర్చవుతోంది. సలాలా నుంచి మస్కట్‌ కంటే మస్కట్‌ నుంచి సలాలాకి ఎక్కువ ఛార్జ్‌ చేస్తున్నారు. హాలీడే మేకర్స్‌తోపాటు కంపెనీల నుంచి కూడా తమకు బిజినెస్‌ ఎక్కువగా ఉంటోందని ట్రాన్స్‌పోర్ట్‌ కంపెనీలు పేర్కొంటున్నాయి.