కథానాయకుడు నారా రోహిత్‌ మంగళవారం తన పుట్టినరోజును జరుపుకొంటున్నారు. ఈ సందర్భంగా ఆయన నటిస్తున్న 'కథలో రాజకుమారి' చిత్రం విడుదల తేదీని ప్రకటించారు. ఆగస్టు 25న చిత్రాన్ని ప్రేక్షకుల ముందుకు తీసుకువస్తున్నట్లు చిత్ర బృందం తెలిపింది. చిత్రం సెన్సార్‌ బోర్డు నుంచి 'యు' సర్టిఫికెట్‌ పొందినట్లు పేర్కొంది.
మహేశ్‌ సూరపనేని ఈ చిత్రానికి దర్శకత్వం వహిస్తున్నారు. నాగశౌర్య, నమితా ప్రమోద్‌ ప్రధాన పాత్రలు పోషిస్తున్నారు. ఇళయరాజా, విశాల్‌ చంద్రశేఖర్‌ స్వరాలు సమకూరుస్తున్నారు. నారా రోహిత్‌ పుట్టినరోజును పురస్కరించుకుని ఆయన కొత్త చిత్రం 'బాలకృష్ణుడు' ఫస్ట్‌లుక్‌ను సోమవారం విడుదల చేసిన సంగతి తెలిసిందే.