నాగచైతన్య కథానాయకుడిగా నటిస్తున్న చిత్రం ‘యుద్ధం శరణం’. ఆర్‌.వి కృష్ణ దర్శకుడు. ఈ చిత్ర టీజర్‌ పోస్టర్‌ ఈ రోజు విడుదలైంది. జులై 31న ఈ చిత్ర టీజర్‌ను విడుదల చేయనున్నట్లు పోస్టర్‌లో పేర్కొన్నారు. ఈ చిత్రంలో నాగచైతన్యకి జోడీగా లావణ్య త్రిపాఠి నటిస్తోంది. ఇదివరకు విడుదల చేసిన ఫస్ట్‌లుక్‌లో కేవలం నాగచైతన్య, శ్రీకాంత్‌నే చూపించారు.
ఇప్పుడు విడుదల చేసిన టీజర్‌ పోస్టర్‌లో సినిమాలోని పాత్రధారులం దరినీ ‘యుద్ధం శరణం’ అక్షరాల్లో చూపించారు. ప్రేమ, పగ, అభిమానం ఇలా అన్ని భావోద్వేగాలు పోస్టర్‌లో కన్పిస్తున్నాయి. ఈ చిత్రంలో శ్రీకాంత్‌, రేవతి, రావు రమేశ్‌, మురళి శర్మ కీలక పాత్రల్లో నటిస్తున్నారు. వారాహి చలన చిత్రం బ్యానర్‌పై సాయి కొర్రపాటి ఈ చిత్రానికి నిర్మాతగా వ్యవహరిస్తున్నారు.